útimarkaður - götumarkaður

Hinn árlegi útimarkaður framundan

Nú fer hann að skella á, hinn árlegi útimarkaður Laugardalshverfanna.Helgin eftir Menningarnótt er markaðshelgi, nánar tiltekið 28. ágúst.Hægt að selja og kaupa allt milli himins og jarðar.Staðsetning þetta árið er Sunnutorg og nágrennið.Kíkið á myndir frá fyrri mörkuðum hér á síðunni.

kv.

Nefndin 

Spyrjið frambjóðendur spjörunum úr

Opinn borgarafundur með frambjóðendum flokkanna

Kæru íbúar Laugardalshverfa, þá er komið að fundi með frambjóðendum til sveitarstjórnarkosninga!Íbúasamtök Laugardals blása til opins borgarafundar með frambjóðendum í Laugarnesskóla fimmtudagskvöldið 6. maí, kl. 20.

Frambjóðendur halda stutta framsögu og sitja síðan fyrir svörum eftir kaffi. Flestir flokkar hafa ákveðið að senda fulltrúa en fjórir hafa þegar ákveðið sig. Oddviti VG, Sóley Tómasdóttir kemur á fundinn.Fyrir Framsóknarflokkinn kemur Valgerður Sveinsdóttir, nýr annar maður á lista og Bjarni Karlsson fyrir Samfylkingu og Kjartan Magnússon frá Sjálfstæðisflokki. Aðrir flokkar verða einnig með fulltrúa.

NÚ ER TÆKIFÆRIÐ TIL AÐ HEYRA HVAÐ FRAMBJÓÐENDUR HAFA SEGJA UM MÁLEFNI HVERFIS OG BORGAR

Komið í Laugarnesskóla á fimmtudagskvöld!

Með kærri kveðju frá stjórn Íbúasamtaka Laugardals.

Góð göngulest í gær

Göngulestin hélt af stað í mildu síðdegisveðri stundvíslega kl. 17 frá Menntaskólanum við Sund í gær. Um 10 manns tóku þátt í fyrstu lestinni. Rúnturinn reyndist taka ögn lengri tíma en ráðgert var en lestin verður auðvitað í þróun næstu laugardaga og mun laga sig að þátttakendum.

Hér er helmingur farþega, eða þeir sem á enduðu á upphafsstað en flestir nýttu sér þann kost lestarinnar að koma og fara á þeim stað er hentar hverjum og einum.  

 

 

 

 

 

kv. S 

Mikið um að vera á laugardag í Laugardal

Vá það er bara mikið um að vera um helgina. Göngulestin svokallaða hefst á laugardag, klukkustundar göngutúr fyrir alla sem áhuga hafa. Lagt af stað frá Menntaskólanum við Sund kl. 17.00 og genginn hringur sem er nokkurnveginn umhverfis Laugardalinn. Þetta verður vikulegur viðburður svo fremi að fólk taki við sér og fylli lestina. Ekki er nauðsynlegt að byrja hringinn við Menntaskólann því það er hægt að stökkva í og úr lestinni hvar sem er á leiðinni. Kort af leiðinni birtist í Laugardalsblaðinu sem kom út fyrir stuttu.Á eftir þessum göngutúr er svo hægt a skella sér á þorrablót Þróttar og halda áfram fjörinu fram á nótt. íbúasamtök Laugardals eru samstarfsaðilar Þróttar um þetta þorrablót og samtökin hvetja meðlimi til að fjölmenna og borða saman og skemmta sér. Það er hægt að nýta sér hópafslátt og þá bent á að hafa samband á netfangið [e-mail] fyrir 15.jan. Vonandi næst þá í stóran og góðan hóp.

 

Guttormi tókst ekki að koma göngulestarkortinu hér inn en ekki er allt glatað því hér er gönguáætlunin og ætti fólk að geta áttað sig á þessu:

Nr	Staður- tillögur	Staðsetning	kl
1	MS-torgið	Skeiðarvogur v/Gnoðarvog	17:00
2	Suðurlandsstígur við...Hestinn?	Suðurlandsbraut v/Langholtsveg	17:05
3	Dórahorn?	Langholtsvegur v/Skeiðarvog	17:10
4	Rauðatorgið	Langholtsvegur v/Álfheima	17:15
5	Helgahorn?	Langholtsvegur v/Holtaveg	17:18
6	Sunnutorg	Langholtsvegur v/Laugarásveg	17:20
7	Farfuglablettur?	Laugarásvegur / Sundlaugavegur/Dalbraut	17:30
8	Sundlaugatorg, Laugatorg, Skólatorg?	Sundlaugavegur v/ Reykjaveg	17:35
9	Þróttur, KSÍ?	Reykjavegur/Engjavegur	17:40
10	Jafnvægispunktur (yin yang)?	Á mörkum Húsdýra-, Fjölskyldu- og Grasagarðs	17:45
11	Glæsibær, Túnið, Bletturinn?	Engjavegur v/Gnoðarvog	17:50
12	Suðurlandsstígur?	Stígur við Olís	17:55
	MS-torgið	Skeiðarvogur v/Gnoðarvog	18:00

 

Svo er það þorrablótið!

 

Bestu kveðjur

f.h. Guttorms

Sigríður 

Góðan daginn Guttormur

Hmm, nú er komið nýtt ár og tímabært að vakna af dvalanum Guttormur góður.
Gutti hefur fregnað að mánaðarlega hittist hópur áhugasamra íbúa um gott og mannvænlegt hverfi. Eitthvað er að koma útúr þessu og hefur nautið legið á hleri og hefur einhverjar spurnir af því að um helgina sé að fara af stað "göngulest". Hvað er nú það? Það ætlar Guttormur að komast á snoðir um og upplýsa hér fyrir helgina.
kv.
Sigríður

Hinn árlegi útimarkaður í vændum

Tré aprílmánaðar

Það mætti halda að við værum í áskrift því að aftur er tré mánaðarins í hverfinu. Tré aprílmánaðar er marþöll sem stendur í Grasagarði Reykjavíkur í Laugardal. Það er Skógræktarfélag Reykjavíkur sem velur þessi fallegu tré mánaðarlega.

Í maí hefur Skógræktarfélagið valið glæsilegt birki við Háteigsveg.

 

kv.

Sigríður 

Tré marsmánaðar

 Í hverjum mánuði velur Skóræktarfélag Reykjavíkur tré mánaðarins. Í marsmánuði varð fyrir valinu rúmlega 18 metra há alaskaösp (Populus trichocarpa) í garði við Langholtsveg 158.

Sögu trésins og myndir er að finna á heimasíðu Skógræktarfélagsins: http://heidmork.is/index.php?option=com_content&task=blogcategory&id=8&Itemid=68

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Sigríður

Aðalfundur Íbúasamtaka Laugardals í kvöld

Við minnum á Aðalfund Íbúasamtaka Laugardals 2008 í kvöld,

miðvikudaginn 5. nóvember kl. 19:30 í Laugabóli (félagsheimili Þróttar og Ármanns).

Dagskrá:

(1) Ávarp formanns

(2) Venjuleg aðalfundarstörf

(3) Yfirlit yfir störf áhugahópa

(4) Aðalerindi kvöldsins. Hjálmar Sveinsson útvarpsmaður fjallar um Stefnu og stefnuleysi skipulagsyfirvalda á höfuðborgarsvæðinu.

Fundurinn verður haldinn í framhaldi af fjölskyldu- og frístundafundi Þjónustumiðstöðvar Laugardals og Háaleitis sem hefst kl. 17:30 og stendur til 19:30.

Aðalfundur íbúasamtakanna er öllum opinn og eru íbúar hvattir til að fjölmenna!

Stjórn ÍL